الى الغاليه على قلبي الورده البيضاء

لانك بالتزامك مؤمن اهلك
اخاف تشيل ذنبي مو من اهلك
منو بكدييحبك مو من اهلك
منو بكدي يحبك من عشيرتك
وتمنه يصير اصبع من عشرتك
وانه شكضيت خايب من عشرتك
اعد بسنين عشرتنه وهي جروح
واحس وي النفس يطلع وهج روح
واخيرا كتلي ودعني وهج روح
اروحن وين ما اكدر هوه انته
وانه الماهان من اجلك هونته
الي بدنياي شي واحد هوه انته
وحرت بين التركته ون تبعته
انه الونيت والون ون تبعته
ماباعك حبيبك وانته بعته
حبيبك باع عمره واشترك بيه
وطبك كلبه عله كلبك وشترك بيه
بعد شدوس كلبي وشترك بيه
ثكل حبه وتكلكل لنته كل بي
ويدنيه شما دفعتي لن تكلبي
وذا تنسى يكلبي لنته كلبي
ولا شيلك بعد وبصدري احملك
ويكلبي شلون ترضه بصد رحم لك
اذا حملك يتعبك بكلبي احملك
الي وروحي الارض وشكد دوله
وتداوي الداء لو بالمخ دوله
بس العين ما ينفع دوه اله
ددواه العين خله من تقر بيه
وتفرح من تشوفك منته قربي
ولك شيصير حبك من تقر بيه
وتحبنييقين بصدري مو شك
الف موجت سكون بصدري مو شك
انذبح كلبي وتشضه بصد رموشك
وعرف محد يدفنه وشي دفن شي
وعكب صدره المواقد شي يدفن شي
كفر من رسم غيرك شيدفن شي
واظن للجنه يدخل من يرسمك